በማዕከላዊ ኢትዮጵያ ክልላዊ መንግስት ሳይንስና ኢንፎርሜሽን ቴክኖሎጂ ቢሮ

ስልጣንና ተግባር

ቢሮው የሚከተሉት ስልጣንና ተግባራት ይኖሩታል፡-

1. • በክልሉ የሳይንስና የኢንፎርሜሽ ቴክኖሎጂ እንዲስፋፋ ያደርጋል፣ ይደግፋል፣ ያስተባብራል፤
   • ክልላዊ የሳይንስና ኢንፎርሜሽን ቴክኖሎጂ መማክርት ጉባኤ እንዲቋቋም ያስተባብራል፣ የአሠራር መመሪያው በመስተዳድር ምክር ቤቱ ሲጸድቅ ተግባራዊ እንዲሆን በትኩረት ይሰራል፤
   • የክልሉን የሳይንስና የቴክኖሎጂ ፍላጎት ይለያል፣ ከሚመለከታቸዉ አካላት ጋር በመመካከር ፍላጎቱ የሚሟላበትን ሁኔታ ያመቻቻል፣
   • ከሚመለከታቸው አካላት ጋር በመተባበር በክልሉ የቴክኖሎጂ ፓርኮች እንዲቋቋሙ ያደርጋል፣
   • የምርምር ፕሮቶኮሎች ሥነ-ምግባር በማዘጋጀት የፈጠራ ሥራዎች  በፕሮቶኮል እንዲደገፉ ያደርጋል፣ የሥነ-ምግባር ጉድለት ሲያጋጥም አስፈላጊ የሆነ ህጋዊ እርምጃ ይወስዳል፣
   • በክልሉ የሚካሄዱ የሳይንስ፣ ቴክኖሎጂና ፈጠራ ስራዎች እንቅስቃሴዎች የገንዘብ፣ የማቴሪያልና የቴክኒክ ድጋፎች የሚያገኙበትን ሁኔታ ያመቻቻል፣ ዘርፎችን ለማዳበር የላቀ አስተዋጽኦ ያደረጉ አካላትንና ግለሰቦችን ያበረታታል፣
   • በክልሉ የሚካሄዱ የጥራት መሰረተ ልማት ተግባራትን ከባለድርሻ አካላት ጋር በመሆን ያስተባብራል፣ ጉድለቶች ሲኖሩም ለሚመለከታቸው አካላት በማሳወቅ የእርምት እርምጃ እንዲወሰድ ያደርጋል፣
   • በክልሉ የሚካሄዱ የጨረራ መከላከያ ስራዎችን ከባለድርሻ አካላት ጋር በመሆን ያስተባብራል፣ ጉድለቶች ሲኖሩም ለሚመለከታቸው አካላት በማሳወቅ የእርምት እርምጃ እንዲወሰድ ያደርጋል፣
   • በምርምር የሚገኙ ወይም የሚፈጠሩ የሳይንስና ቴክኖሎጂ ውጤቶች የአእምሯዊ ንብረት መብት እንዲያገኙ ድጋፍ ያደርጋል፣
   • የመገናኛና የኢንፎርሜሽን ቴክኖሎጂ አገልግሎቶች ጥራታቸው፣ ደህንነታቸውና አስተማማኝነታቸው የተጠበቀ እንዲሆን የሚያስችሉ ደረጃዎችን ይወስናል፣ ተግባራዊ መደረጋቸውን ያረጋግጣል፣
   • የመንግስት ተቋማት የመረጃ ስርዓትን ከመገንባትና ከማቀናጀት አንፃር የመንግስት የዶሜይን  ስም ይደለድላል፣ አድራሻ ይመዘግባል ይቆጣጠራል፣
   • በክልል መንግስት ተቋማት መካከል ዘመናዊ የኢንፎርሜሽን ኮሙኒኬሽን መረብ መዘርጋቱ  ይከታተላል፣ የሶፍትዌርና የሲስተም ልማት ሥራን ያከናውናል፣ እንዲከናወን ያደርጋል፣ ተገቢውን ድጋፍም ይሰጣል፣ ተግባራዊነቱን ይቆጣጠራል፤
   • በመንግስት ተቋማት መካከል የተቀናጀና ደህንነቱ የተጠበቀ የመረጃ ፍሰትና ልውውጥ እንዲኖር ድጋፍ ይሰጣል፤ በአግባቡ ጥቅም ላይ መዋሉን ይከታተላል'
   • በየደረጃው ላሉ የመንግስት ተቋማትና የሕብረተሰብ ክፍሎች የኢንፎርሜሽን ቴክኖሎጂ ጥናት ዲዛይን ያዘጋጃል፣ ዘመናዊ የመረጃ ልውውጥ ፍላጎት ወይም ክፍተት የመለየት ስራ ያከናውናል፣ የመፍትሄ ሃሳብ ያቀርባል፣ ሲፈቀድም ተግባራዊ ያደርጋል፣
   • በክልሉ በየደረጃው ላሉ ሴክተር መስሪያ ቤቶች ውስብስብና መለስተኛ ኢንፎርሜሽንና ኮሚኒኬሽን ቴክኖሎጂ መሰረተ-ልማት ይዘረጋል፣
   • በክልሉ የአስተዳደር እርከኖች የቪዲዮ ኮንፈረንሲንግ፣ የማህበረሰብ የመረጃ ማዕከላትን፣ የጥሪ ማዕከልና የማህበረሰብ ሬድዮ ጣቢያዎችን ያቋቁማል፣ ያስተዳድራል፣ ይቆጣጠራል፤
   • የኢንፎርሜሽን ኮሚኒኬሽን ቴክኖሎጂ የግል ሥራ ፈጠራ ማእከላትን ያቋቁማል፤
   • የክልሉን መረጃ መረብ ዝርጋታ እና ኢንፎርሜሽን ኮሚኒኬሽን ቴክኖሎጂ መሠረተ ልማት ሥራን   ይከታተላል፣ ይደግፋል፣ ይቆጣጠራል፣ የሚለሙ ሶፍትዌሮችና አኘሊኬሽኖችን ደረጃ ይወስናል፤
   • በኢንፎርሜሽን ኮሚኒኬሽን ቴክኖሎጂ ላይ የቴክኒክ የስልጠናና መሰል ድጋፎችን ያደርጋል፣ የብቃት ማረጋገጫና ፈቃድ ይሰጣል፣ ተግባራዊነቱንም ይቆጣጠራል፤
   • የክልሉ መንግስት የመገናኛና ኢንፎርሜሽን ቴክኖሎጂ መሳሪያዎችን አጠቃቀም ይቆጣጠራል፣ እንዲጠገኑ ያደርጋል፣ ብልሽታቸው ከአቅም በላይ የሆኑትን ያሰውግዳል፣

• ዓላማውን ለማስፈጸም የሚያግዙ ሌሎች ተዛማጅ ተግባሮችን ያከናውናል፣